საშო

რეჟისორი: ბენედეკ ფლიგაუფი 

ბავშვობაში ჩასახული სიყვარული ახალი ძალით და ვნებით იფეთქებს, როდესაც რებეკა და თომასი 12 წლის განშორების შემდეგ ისევ შეხვდებიან ერთმანეთს. მაგრამ თომასი ავტოკატასტროფაში იღუპება. სასოწარკვეთილი რებეკა თავის მოკვლას ფიქრობს, მაგრამ შემდეგ სხვა გადაწყვეტილებას იღებს: კლონირების ტექნოლოგიის დახმარებით ის „ახალი“ თომასის გაჩენას გადაწყვეტს. ექსპერიმენტი წარმატებული აღმოჩნდება, ბავშვი დაიბადება, მაგრამ პატარა თომასი იზრდება და პრობლემები ჩნდება...

დაბადებულები საქართველოში

რეჟისორი: თამარ შავგულიძე  

ფილმი ასახავს აგვისტოს ომის შემდგომ პერიოდს, სადაც სრულ პროსტრაციაში მყოფი ოთხი მეგობარი ცდილობს შეინარჩუნოს ადამიანობა, მეგობრობის უნარი და თავი გაართვას შტამპს, რომელსაც ”დაბადებული საქართველოში” ჰქვია.

რამინი

რეჟისორი: ოდრიუს სტონისი  

75 წლის ქართველი ფალავანი, რამინ ლომსაძე, რომელმაც ოდესღაც 55 წამში მოიგო შვიდი მატჩი, მზადაა უკანასკნელ და მრისხანე მოწინააღმდეგესთან – მარტოობასთან შესახვედრად. ის მატარებელზე ჯდება და საქართველოს მიყრუებულ სოფელში იმ გოგონას მოსაძებნად გასწევს, რომელიც უყვარდა და 50 წლის წინ დაკარგა.

კინოთეატრი ამირანი 2

9 დეკემბერი 21.00 სთ

ქართულ ენაზე ინგლისური სუბტიტრებით

ეული პანტერა

რეჟისორი: ჯულია ლოკტევი  

ახალგაზრდა წყვილი დაქორწინებამდე საქართველოში ჩადის სამოგზაუროდ. ალექსი და ნიკა ადგილობრივ გამყოლს დაიქირავებენ და მასთან ერთად კავკასიის მთების დასალშქრად მიდიან. სამი ადამიანი ველურ ლანშაფტში, რომელიც ერთდროულად ძალიან ღიაც არის და საშიშად ჩაკეტილიც. ისინი საათობით დადიან, ანეკდოტებს ყვებიან, დროს თამაშში ატარებენ, სანამ რაღაც არ შეეშლებათ – უნებური ჟესტი, სულ რამდენიმე წამი, და ყველაფერი იცვლება...

მარილივით თეთრი

რეჟისორი: ქეთი მაჭავარიანი   

საქართველო, 21ე საუკუნის დასაწყისი. ნანა, 35 წლის მარტოხელა ქალი, სეზონურ სამუშაოზეა საქართველოს შავი ზღვის სანაპიროზე. ნანა შემოსავალს მშობლიურ ქალაქ ჭიათურაში კაფის გასახსნელად ინახავს. აქ ნანა აფახეთიდან დევნილ, პატრულის ოფიცერს ნიკოს ხვდება. ნიკოს მშობლები სხვა დევნილებთან ერთად სასტუმროში ცხოვრობენ. ამნეზიით დაავადებული დედა საკუთარ შვილსაც ვერ ცნობს.

ქარიშხალი სახელად კალატოზოვი

რეჟისორი: პატრიკ კაზალი  

ქართული წარმომავლობისბის რეჟისორმა მიხაილ კალატოზოვმა, რომელმაც თავისი შედევრით `მიფრინავენ წეროები~ კანის ფესტივალის ოქროს პალმის რტო მოუტანა საბჭოთა კავშირს 1958 წელს და საოცარი გარღვევა მოახდინა საბჭოთა კინოწარმოების ნაცრისფერ სამყაროში, მილიონობით კინომაყურებელი და ათობით მომავალი კინომრეჟისორი ააღელვა.

ძილის დაავადება

რეჟისორი: ულრიხ კოელერი  

უკვე 20 წელია ებო და ვერა ველტენები აფრიკის სხვადასხვა ქვეყანაში ცხოვრობენ. ებო ძილის დაავადების პროგრამის ხელმძღვანელია და მოსწონს თავისი საქმე. ვერა კი დაკარგულად გრძნობს თავს ინტერნაციონალურ საზოგადოებაში და თავისი 14 წლის ქალიშვილი ენატრება, რომელიც გერმანიაში სწავლობს.

ერთი სიყვარულის ისტორია

რეჟისორი: როი ანდერსონი  

როი ანდერსონის პირველი სრულმეტრაჟიანი ფილმი ნათელი და ოპტიმისტური სურათია. მშვენიერი შვედური ზაფხული და ფერწერული გარემო, სადაც ორი მოზარდი ხვდება და თავდავიწყებით უყვარდებათ ერთმანეთი. სოციალური მდგომარეობის სხვაობის მიუხედავად, ისინი საკუთარ სამყაროს ქმნიან, სადაც მოზრდილებს არაფერი ესაქმებათ.

პოლა იქსი

რეჟისორი: ლეო კარაქსი  

ნორმანდიაში, სენის სანაპიროზე, პიერი დედასთან ერთად ცხოვრობს სასახლეში. ისინი ძალიან ლამაზები არიან, მდიდრები და უზრუნველები. ყოველ დილას პიერი მამის დანატოვარი ველოსიპედით თავისი საცოლის, ლუსის მოსანახულებლად მიდის.

შეხვედრა რეჟისორ ლეო კარაქსთან

7 დეკემბერი 21 სთ, კ/თ ამირანის მცირე დარბაზი.